Princips per üna collavuraziun efficiainta

 

Nus Als cusgliains cumpetentamaing ed ans ingaschains per Lur interess.

Daspö il 2003 essans nus commembers da Fiduziaris Suisse. Commembers da quist'associaziun as distinguan tres üna scolaziun seriusa. Fiduziaris Suisse controlla periodicamaing, scha l'oblig da's perfecziuner vain respetto. Mincha commember da Fiduziaris Suisse stu avair üna sgüraunza da respunsabilted per sieus servezzans, per cha eventuels sbagls da cussagliaziun nu giajan a cuost dal cliaint.

Nus comunichains in möd simpel ed inclegiantaivel, uschè cha las soluziuns proponidas sun bain chapiblas. Nus discurrins Lur lingua!

Nossa cussagliaziun Als dess schligerir i'l sectur da l'administraziun, per ch'Els possan as concentrer plainamaing sün Lur lavur principela; la basa pel success economic.

Grazcha a nossas experienzas cugnuschains nus noss cunfins e savains, cur cha que fo dabsögn da contacter a specialists. Daspö bgers ans collavurains nus cun experts cumpetents e stains a disposiziun scu intermediatuors traunter Els e noss specialists.

Nus cultivains ün contact sincer ed agreabel cun noss cliaints ed ans allegrains sün inscunters interessants.

Üna buna collavuraziun onesta cullas autoriteds ans es importanta.

Meglder es da ponderer bain, cun chi cha's voul collavurer. Que vess da valair taunt per Els scu per nus. A nouvs cliaints acceptains nus da princip be, scha nus essans persvas da lur ideja commerziela e da las persunas involvedas.

Nus spordschains plazzas da lavur attractivas e vains chüra da noss collavuratuors. Da quecò profitan eir Els scu cliaints, perche cha Lur persunas da contact tar nus nu müdan adüna.

Nus ans ingaschains in organisaziuns regiunelas chi promouvan la generaziun giuvna sül champ da sport, actuelmaing impustüt tar engadin-nordic.ch.

Nus sustgnains occurrenzas culturelas e sportivas illa regiun.