In princip sun pussibels tuot ils models da collavuraziun. Il scumpart da las lavuors traunter Els e nus dependa da Lur qualificaziun e da Lur capacited da temp. Nus Als güdains ad actualiser la contabilted, a fer ils rendaquints da l'imposta da la püvalur e ad elavurer optimelmaing Lur bilauntsch.
La digitalisaziun ans sto a cour. Per Las/Als pudair sustgnair cumpetentamaing in quist connex, ans fidains nus da soluziuns dad Abacus.

Nus Als cusgliains cumpetentamaing in dumandas d'impostas e cultivains ün bun contact direct cullas autoriteds fiscalas. Tar noss servezzans tuochan l'elavuraziun da declaraziuns d'impostas da persunas natürelas e giuridicas, la planisaziun d'impostas, la cussagliaziun fiscala generela e la cussagliaziun in dumandas da l'imposta da la püvalur. Gugent Als rapreschantains nus invers las autoriteds d'impostas ed Als güdains ad optimer la chargia fiscala i'l ram da las pussibilteds leghelas.

Nus Als sustgnains in tuot las dumandas davart il persunel e las pejas. Nus fains Lur rendaquint da pejas dal mais ed elavurains per Els las declaraziuns da peja annuelas e'ls divers rendaquints.

Gugent essans nus Lur prüm post da contact per tuot las dumandas administrativas. Scha - in cas püchöntsch rers - nus nu vessans d'esser buns da'Ls spordscher üna soluziun per Lur giavüschs, schi savains nus, inua cha'd es da dumander zieva. Ch'Els nun esiteschan da'ns contacter cun Lur dumandas.